Baku İdeaLabda Dreamers' Lab 2 proqramı daxilində gender komandasının təşkilatçılığı ilə "Femstore" layihəsi həyata keçirilib. Layihənin məqsədi zorakılığa məruz qalmış qadınlara bir neçə illustratorun könüllü olaraq gender mövzusu ilə bağlı çəkdikləri illustrasiyaların çap olunduğu stiker, kətan çanta və kitabları sataraq dəstək olmaqdır. Həmçinin sığınacaqda yaşayan uşaqların əl işləri də satışda çıxarılıb. Əldə olunan gəlirlər dəstək məqsədi ilə ianə olaraq sığınacağa verilib. Təbdirdə Nisə Hacıyeva tərəfindən Cavid Ağanın könüllü təşəbbüsü ilə yaradılmış "SUSMA - Hekayəni danış" platformasının təqdimatı baş tutub. `Sus-ma`.com saytının məqsədi baş verən zorakılıq hallarını ifşa etmək və zərərçəkmişlərə yardım etməkdir.