"Kitabgəzər" komandası Lənkərandan sonra Ağdam və Bərdənin bir neçə kəndinə yola düşüb. Məqsəd isə paytaxtda yığılan yeni və ikinci əl kitabları ehtiyacı olan şagird və gəncələrə çatdırmaq, onlarda kitaba marağı artırmaqdır. Toplanan kitablar arasında müxtəlif fənlər üzrə dərsliklər, həmçinin azərbaycan və dünya ədəbiyyatına aid bədii nümunələr yer alıb. Kitabgəzər komandası baş çəkdikləri məktəb və ya gənclər evində kitabxanalar qurub. Onlar bundan sonra da, regionlara baş çəkməyə davam edəcək.