"Təbəssüm Yarat" kənd məktəblərinə yardım kampaniyasının startı ötən ilin aprel ayına təsadüf edir. Kampaniyanın təşəbbüskarları Türkiyənin 'Beşiktaş' futbol klubunun azərbaycanlı tərəfdarlarıdır. Komanda ümumilikdə 12 nəfər könüllü üzvdən ibarətdir. Ziyarət etmək üçün daha çox ehtiyac olan yerləri seçməyə üstünlük verirlər. Əvvəlcədən həmin kəndə gedib şəraitlə tanış olurlar. Komandanın məqsədi bütün ucqar kənd məktəblərini ziyarət etməkdir.