“Bizim vəzifəmiz tənqid deyil, seçkilərin monitorinqidir”, bu barədə bugünki mətbuat konfransında ATƏT-in Demokratik Təsisatlar və Insan Hüquqları Bürosunun (DTİHB) Azərbaycanda prezident seçkilərində müşahidə missiyasının rəhbəri Tanda de Zulueta bildirib. Onun sözlərinə görə, missiya seçkilərin beynəlxalq standartlara və demokratiya normalarına, habelə Azərbaycanın ATƏT qarşısında götürdüyü öhdəliklərə uyğunluğunu müşahidə edəcək. Xanım Zuluetanın sözlərinə görə, missiya avqustun 29-dan öz işinə başlayıb və seçki kampaniyasının gedişatını, Mərkəzi Semki Komissiyasının işini, KİV-də seçkilərin işıqlandırılmasını və s. izləyəcək.