Pandemiyanın başladığı dövrdən koronavirusun qlobal səviyydə yayılması ilə yanaşı xüsusilə də sosial media şəbəkələrində müxtəlif konspirasiya nəzəriyyələri, dezinformasiya və yanlış məlumaların da sürətlə yayılması müşahidə edilir. Ekspertlərin fikrincə, dezinformasiya və yanlış məlumatların yayılması dünya boyu pandemiyaya qarşı mübarizənin getdiyi bir vaxt icimai səhiyyə qarşısında ciddi sınaqlardan birinə çevrilir. İctimai əlaqələr üzrə ekspert Rəşad Hüseynov Amerikanın Səsinə müsahibədə dezinformasiya və saxta xəbərlərin yayılması, bunun qarşısının alınması yolları və düzgün və təsdiqlənmiş məlumatları seçə bilmək üçün məlumatlılığın artırılmasının əhəmiyyətindən haqda danışıb.