“Nərgiz” mükafatını 2015-ci ildə Müsavat Partiyası təsis edib. Mükafat 2015-ci ilin aprelində vəfat edən gənc müsavatçı Nərgiz Yaqublunın adını daşıyır. Bu il “Nərgiz” mükafatına hüquq müdafiəçisi Oqtay Gülalıyev layiq görülüb. Son illər Oqtay Gülalıyev dəfələrlə bəyan edib ki, hüquq müdafiəsi sahəsində fəaliyyətinə görə hədələnir, təqib olunur. Mükafatın təqdimat mərasimində AXCP sədri Əli Kərimli, Müsavat başqanı Arif Hacılı, Milli Strateji Düşüncə Mərkəzinin sədri İsa Qəmbər və Zümrüd Yağmur çıxış edib. Oqtay Gülalıyevin ailəsi Azərbaycanda olmadığından mükafat yazıçı Zümrüd Yağmura təqdim olunub.