Azərbaycan paytaxtında təşkil olunan IV turizm forumunda peşəkarlar öz təcrübələrini paylaşır, tövsiyələrini təqdim edirlər. 'C Group Hotels and Resorts' şirkətindən Rasim İbrahimov bildirir ki, belə forumların təşkili olduqca çətindir, eyni zamanda olduqca faydalıdır. Belə ki, forumlar ideya paylaşılması üçün önəmli platforma yaradır və bu səylər öz töhfəsini verəcək. Tədbirdə çıxış edən Abşeron Otellər Qrupunun təmsilçisi Bahar Qəniyeva turizmdə qiymət siyasətindən və onun turizm sənayesinə təsirlərindən danışıb.